أمُّ النــُـور/ عزمي إبراهيم


تحية وتهنئة بعيد سيدتنا العذراء القديسة مريم

أطهَـر من الفـَجـْر وأبهَـج من الصباح فى بَهـاه
فيكى الغِـنىَ والبساطة من غيـر دهـب ولا جـاه
التقـوى عنـدك إيمــان خـَـلاّ الإلــــه فى سَـمـاه
يرســـل ملاكــه إليـكى
يبشــَّــرك بالنــــُـــــور
صبحتى أمّ الإلــــه.. حـاملــة نعمتـــه ورضــاه
***
البــِــرّ فيــكى... وقـلبـِـــك مَنبَعُــــه ومَجــــراه
وإحنــا خطـــاة... والشـفـاعـة أمــــل بنترجــاه
يامــا شـفيــتى المريض وكـــان رضـاكى دواه
أمّ الإلـــــه.. إشـفعيـلنـا
يغـفـــــــــر خطـايـــانا
إللى رجــــاكى كسـب ... واللى جفــاكى تــــاه
***
إبنــك حبيــبك جمع شـعبــه برحمتــه ورَعـــاه
غفـــر ذنوبـــه وشـال عنــه عبوديتــه وأســـاه
واللى اتولــد فى الظــلام فتــَّـح عينيــه، نجـَّــاه
وانـتى بحُبـِّـك يامريـــم
كنــــتِ الأم بحنـــــانها
إللى ينـول عطـف قلبــــك تنكتــــب لـه حيــــاه
***
يا عــدرا لإبنـك يسـوع مذبـح في مصـر بَنـــاه
من بــدء عهــد الطفـولة بارك أرضـها بخطـاه
يا عــدرا شعبك في مصر بيرفع صيام وصلاه
اتشفـعي لشعـب مصـر
يحـوش الظــلام عنـهم
ينشـــر سـلامـُـه عليـــهم ويضُمـُّـهم في حِمـــاه
***
يا عـدرا شعبك في شــدة
اقـــفي يا عــــدرا معــاه
***
مهندس عزمي إبراهيم

CONVERSATION

0 comments:

إرسال تعليق