يا مار شربل بشهرك المبارك اجمع شمل عائلاتنا ونور ورافق شبيبتنا وأطفالنا خطوة خطوة بلبنان وبالمغتربات كلها.
احمي استقلالنا وخلي اجراس كنايسنا تزلغط وتنادي يوميا صار وقت القداس والصلاة تعوا شاركوا.
ما تنسى تمر عا مجلس نوابنا وتمسح عقول نوابنا بزيتك المقدس وتباركهم وتمنحهم جنسية النزاهة والوطنية اللبنانية الصادقة تيحافظولنا على استقلالنا وتنور مفاهيمهم لخدمة اللبنانية الفقراء والايتام والمعوزين.
وما تنسى تحط ايدك مع جيشنا اللبناني حتى يحمولنا ارضنا وحدودنا بكل ال١٠٤٥٢ كلم مربع. ويا مار شربل تقلة الحملة على لبنانا ساعد لبنان تيرد كل غريب وحسود ومحتل على بلاده.
يا مار شربل منترجاك بمحبتك ليسوع ساعد جيشنا حتى يضل علم لبنان مرفرف بسما لبنان، واللبنانية يضلوا يتفيوا بهوا ارزات لبنان الشامخة وينشدوا بكل وطنية مخلصة "كلنا للوطن للعلى للعلم ....اسد غاب متى ساورتنا المحن".
ما تنسالنا يا مار شربل ملائكة السما ما يهجروا سما لبنان تيضلوا بقيادة جوقات الترانيم منشدين "صليبنا انتصر" مع "المجد لله ودايما لله "حتى يجاوبوهم مغتربينا "لاقونا بالزقفة والزلغوطة منوعدكن راجعين ما منهجر سما لبنان"
0 comments:
إرسال تعليق