مديح لشهداء نجع حمادى فى مـيـلاد الـسـمـائـى الـسـادس/ ناهد شاروبيم

فى ذكرى مرور ست سنوات على إستشهاد شهداء نجع حمادى بعد إحتفالهم بقداس عيد الميلاد لحظة خروجهم من الكنيسة ليتكب لهم شهادة ميلادهم السماوية لتفرح وتتهلل بهم الملائكة والقديسين فى احضان إبراهيم واسحق ويعقوب , وبمناسبة ذكراهم العطرة سوف تحتفل الكنيسة بإقامة القداس الالهى يوم الجمعة القادم  الموافق 8_ 1 _ 2016 بدير الأنبا بضابا بنجع حمادى صباحاََ وهذه مديحة لارواحهم .
فى كـنـيـسـة الأبـكـار .. مـع الـشـهـدا الأبـرار .. أبـنـاء يـسـوع الـبـار
 ++++++++ +   الــسـلام لـك يـا شـــهـيـد   +++++++
 عيد ميلاد سعيد يا شـهـيـد .. فى حُضن يسوع أكيد .. عيدت معاه العيد
 كان يوم إستشهادك .. هو أعـظـم أعيادك .. يا شـهـيـدنـا يا مُـبـارك
 ليلة عـيـد الـمـيـلاد .. سِـبتنا من غـيـر ميعاد .. قـلـوبنا إتملت سـواد
 صِـرت شهيد الـمزود .. عشت ف أرض الـمَـوعد .. بتصلى وبتسجد
 تـركـت أراضــيـنـا .. وإخـتـارك فـاديــنــا .. شـفـيـع ف السما لـيـنـا
 فـرحـت بـيـك الـسـمـا .. والـعـدرا أمـنـا .. عـايـش دايـمـاَ فى هـنـا
مع الـمـلايـكـة أكـيـد .. عايش فرحان وسعيد .. عيدك دة أجمل عيد
 مـهـمـا تـغـيـب عننا .. عـايـش فى وسطنا .. مـحـفـور فى قـلـبـنـا
ساكن كل الـقـلـوب .. يا طيب يا مـحبـوب .. ابن يسوع الـمصلوب
أوفـا وأغـلا الأحـبـاب .. فـخـر لكل الـشباب .. حـاضـر حتى لو غـاب
  يا شهيد نـجـع حـمـادى .. وحبيب يـسـوع الفادى .. صلى لأجل بلادى
 مـلاك ف السما جميل .. عـايـش وسط التهاليل .. وفـرحـان بالإكليل
 أذكـرنـا ف صلواتك .. مع الـشـهـدا إخـواتـك .. محتاجين شـفعاتك
سـيـرتـك بـركـة لـيـنـا .. وصـلاتـك تـحـمـيـنـا .. أمـام عـرش فـادينا
  صرت شعاع ف الفردوس .. يا حبيب الرب إيسوس .. صلى لكل النفوس
 فى سماء الـقـديـسـيـن .. والأبـرار الـمُختارين .. صار ليك مكان عـظـيـم
 ماسكين فى ايدينا شموع .. بنصليلك بـدمـوع .. إرحـمـنـا يارب يـسـوع
  يـا إلــهـنـا عـزيـنـا ... صــبـرنـا وقــويـنـا ... لـطـريـقـك إهــديـنـا
 الـشـهـداء نـيـحـهـم .. الـحـزانـا فــرحـهـم .. والـمـرضـى ريـحـهـم
 وبـبـركـة شـهـدائـنـا .. حـافـظ على بـطـركـنـا .. وأسـقفنا وكنايسنا
++++ بقلم : شاعرة الشهداء : ناهد فاروق شاروبيم ++++