على باب النبي خدني/ محمد محمد علي جنيدي

على باب النبي خدني
وطمن قلبي واسعدني

وللروضه خدوا روحي
وخلوني ف. حنين بوحي

دا شوقي إليه ملهش حدود
وقلبي مال وانا الموعود

ولما الورد بيصبح
على ذكره وبهاه أصبح

ويا بخت اللي داق حبه
ويا سعده اللي نال قربه

حنيني إليك نسايم روح
ولما تهل تهنا الروح

يفيض الشوق يسهرني
واصلي عليك يطيب ظني

وانا اللي بيك حياتي سرور
وأقضي العمر نور على نور

فداك كل اللي في بالي
وتبقالي حبيب غالي

على باب النبي خدني
وطمن قلبي واسعدني

 – مصر
m_mohamed_genedy@yahoo.com